充滿恩典、憐憫、聖潔、慈悲，深深疼阮的天父上帝，阮同心感謝祢豐富的恩典，設立大直教會佇此所在，已經有40年久。數算過去的年日，阮有看見上帝的痛疼、保守、幫助與引導。這是耶和華所定著的日，阮佇此日著歡喜快樂。這是耶和華的殿，聖殿充滿上帝的榮光。阮是上帝所疼百姓，做祢兒女真正有福氣。為著回應上帝對阮的疼，阮奉獻這間聖殿；為著見證主耶穌救贖的功勞，阮奉獻這間聖殿；為著引導萬人來信靠祢，阮奉獻這間聖殿；為著實踐彼此相愛的命令，阮奉獻這間聖殿。求主彰顯你大能的聖手，使眾人看見祢真正與阮佇啲，未來的日子，阮願意更加同心努力，作主門徒、委身侍奉、傳好消息、報揚主疼、領人歸主、榮耀主名。願主的聖名佇阮中間得著高舉，阮同心佇祢面前，謙卑懇求與祈禱，攏是奉靠主耶穌基督寶貴聖尊名，阿們！