新 年 啟 應 文

啟：上帝啊!感謝你照顧阮平平安安經過一年，

應：阮要出聲讚美你的名。

啟：求你擦消阮過去所犯的罪，

應：除去阮佇軟弱中所犯的過失。

啟：求你互阮會關心阮國家的前途與同胞的得救。

應：用疼來見證主的名。

啟：互阮在平安、喜樂、順境的時，

應：會記得彼個在苦難逆境中的兄弟姊妹。

啟：願你的公義與和平施落佇阮中間，

應：互阮有追求正直，歡喜公義的心。

啟：求你揀選阮、教示阮，

應：使阮成為傳福音的使者。

啟：互大直教會通過建造領袖、群體更新、團隊服事來榮光上帝利益眾人。

應：互阮成為一間相愛、健康、興旺的教會。

啟：阮欲用感謝、讚美、敬拜來回應你的疼，

應：阮欲大大讚美你的名。

啟：天父上帝啊！感謝你賞賜阮新的一年，

應：阮立志要努力向前走。

啟：阮對2020年有新的期待和盼望，

應：阮欲成作愛讀聖經、愛祈禱、愛服事、愛奉獻、愛疼人、愛宣教的教會。

啟：若是遇到試煉、困難，

應：求你賞賜我夠額的信心與勇氣

啟：若是遇到憂傷、軟弱的時，

應：求你互我的心堅強起來。

啟：聖神保惠師，一生引導阮。

應：乎阮行佇正直的路。

啟：願主與咱每一個人、每一個家庭同在，

應：從此時直到萬世代無息。

啟：願謳咾，榮光攏歸佇聖父、聖子、聖神的名。

應：阿們！